.jpg)
Aŭskultu ĉi tiun artikolon en Esperanto
.
OMUKWASHIGWANA gwomomukunda Onandjaba moshitopolwa shaMusati ota fala Uuministili wIikwameni, Omatembu, Egameno nEpopilo lyOshigwana kompangu opo yi fute oshimaliwa shooN $ 160 000 sho taku hokololwa kutya opolisi kohi mokata kujua.
Pahokololo lyi li moodokumente dhomompangu yopombanda yaShakati, omulumentu ngoka gwomimvo 38, okwa popi kutya omwana okwa li a tulwa miipandeko kaapolisi momasiku 3 Desemba 2020, nakamatyona ngoka okwa li a tulwa miipandeko pamwe naantu yalwe.
Aantu mboka yalwe yatatu otaku holololwa ya li taya fekelwa uufuthi wa ningilwa koshitopolwa shErongo.
He yakamatyona ngoka, okwa popi kutya omwana okwa tulwa miipandeko pethimbo a li nahekulu, ngoka a li ta kongwa kopolisi pethimbo ndyoka.
Kamatyona ngoka okwa adhika e li momudhingoloko gwaKahao, nokwa li owala a yi ko oku ka talela po yinakulu.
He yakamatyona, ngoka ha longo posikola yaNandjaba, okwa popi okupitila moodokumente dhomompangu kutya ekwato po lyomwana ne edhililo, kalya li nande paveta, olya puka, ishewe osha ningwa pwaana etompelo.
Okwa popi kutya omwana kali nande omufekelwa mokukala a longa oshikoya sha sha.
“Aapolisi mboka ya li taya tula miipandeko, nonande okwa li ye shi kutya omumwandje kali nande a longa oshikoya sha sha, onkene ye mu tula miipandeko noku mu edhilila naashoka oya longitha pambambo oonkondo dhawo nokuyona emanguluko nuiemba wokan.
Omulumentu ngoka okwa popi kutya ekwato po lyomwana olyi li ompinge nuuthemba wemanguluko lyokanona ngaashi shi li mEkotampango lyaNamibia.
Okwa popi kutya etulo miipandeko ne edhililo lyomwana olya ya pambambo okatendo 15 mEkotampango, hoka ki indika eedhililo mondholongo lyaanona mboka ye li kohi yomimvo 16.
He yakamatyona okwa popi kutya omwana okwa li a piyaganekwa pamadhiladhilo sho a tulwa miipandeko, naashoka ongomuvali okwa li wo she mu piyaganeke molwashoka ina kotha uusiku ti ipula mpoka pu na omwana.
“Okanona oka mono iihuna tashi landula: okukala a tulwa miipandeko papuko nokwe edhililwa okwa yona uuthemba we wongushu yooN $ 40 000, uuwehame nokumona iihuna wondando yooN $ 40 000.
“Eehameko lyopamadhiladhilo poomvula dhe osho wo okukanithilwa emanguluko oshi na ooN $ 20 000”, osho he yakamatyona a pula ngaaka.
Omulumentu ngoka okwa popi kutya naye mwene okwa monithwa iihuna pamadhiladhilo noku kala a lindimanekwa shoka tashi kotha ooN $ 60 000.
Opolisi oya popi kutya oyi na ehalo lyokwiipopila moshipotha shoka ya tulilwa mo.
Minista gwIikwameni, Albert Kawana, uunambo okwa popi kutya inashi ndjanga kuye opo a tye ko sha omanga oshipotha shoka shi li natango momake gompangu.
“Oveta nayi longe iilonga yawo, nongele oye ya kutse, otatu ka longa nasho,” osho a popi ngaaka.
Kawana okwa popi kutya ina yakula nande olopota yasha okuza kondjayi yetanga lyopolisi Sebastian Ndeitunga shi na sha noshiningwanima shoka.
Onzokundaneki ndjika oya tokola opo kaayi tumbule edhina lyahe yokanona osho wo omwana, opo ashike ku gamwene okanona.
Kvankam la celo de maŝintradukado estas fari ĉi tiun artikolon pli facile legebla kaj komprenebla, eraroj povas okazi. Se vi trovas erarojn, bonvolu sciigi nin afiŝante komenton sube. Tiel, ni povas fari la korekton kaj modifi la tradukalgoritmojn por ne reprodukti ĉi tiun eraron en la sekvaj artikoloj. Dankon
